Speed Dating 溝掂靚仔醫生 30歲官恩娜超恨嫁 (蘋果日報)

www.newfdgathering.com 的標籤：Speed Dating，Speed Dating Hong Kong，Single Party，極速約會

在《超級巨聲》一曲成名的官恩娜（ Ella）洗盡入行 6年霉氣升晒呢，事業得意忙到失聲，連帶踏入 3字頭的 Ella感情亦好事近，直言恨嫁。今年 6月被揭搭上醫生老外，官恩娜只以「 J先生」稱呼男友，但本刊發現懶神秘的「 J先生」，原來是 Ella 2月情人節後於一個 Speed Dating相睇活動上結識，一餐飯即撻着後生 3年的醫生男友 Juan-Domingo Maurellet。
中女 Ella亦向本刊直認想結婚：「佢（男友）好孝順，同我屋企人相處好好，最近開始有諗（結婚）喇。」呢齣《單身大急救》真人版，港女真係要向 Ella學嘢喇。
■恨嫁樣
步入 3字頭嘅 Ella，上星期六被本刊問到幾時同男友拉埋天窗．甜笑到見牙唔見眼咁話：「最近開始有諗，不過工作好忙，佢又未有（求婚）行動。」恨嫁恨到出晒面， mark到醫生筍盤邊會咁易放棄呀！
25/2 撻着 8個月
Ella 透過 Speed Dating成功遇上細佢 3年的「 J先生」，當日二人於中環日式 fusion餐廳食 lunch撻着。本刊搵到「 J先生」真名叫 Juan-Domingo Maurellet，剛於今年登記為香港醫務委員會註冊醫生（右上圖），「 J先生」咁年輕有為，唔怪得 Ella想結婚啦。
■有禮貌
Ella大方承認經朋友介紹認識外科醫生男友，二人拍拖 3個月，仲吩咐傳媒叫佢做「 J先生」， Ella生日前兩日（ 7/7）仲被本刊影到佢做柴可夫車男友去食晚飯。「 J先生」當時面對記者追訪仍大方向鏡頭微笑，真係有品過好多本地男星， Ella執到好籌喇。
■相睇識醫生
直至今年 2月， Ella替一間 Speed Dating（快速約會）公司做宣傳。當日，卻遇上現任醫生男友「 J先生」，該 Speed Dating公司「 Lunch Actually」創辦人 Violet Lim 接受本刊查詢時承認 Ella跟「 J先生」一撻即着。「因為 Ella外國返嚟英文好好又活潑，所以搵佢做情人節宣傳，嗰位男士（ J先生）知道我哋招募緊單身男士畀 Ella，於是寫信嚟自薦同 Ella見面。我哋根據 Ella列出嚟嘅擇偶條件，包括高度、背景、嗜好同興趣，喺 10位（候選）男士內搵到呢位醫生男士，仲約埋佢哋喺中環食咗個 fast lunch。佢哋當日好好傾，過程好愉快，不過我都係後來睇報紙先知佢哋一直發展到而家。」
■單身有得救
好多人以為係「賣剩蔗」先會去 Speed Dating搵伴侶，其實只係錯覺。原來近年唔少律師、醫生、核數師及藥劑師等專業人士，由於工作太忙冇時間搵男女朋友，都有參加 Speed Dating搵伴。
好似撮合 Ella同醫生男友的一對一食 lunch 的方法來撮合符合雙方條件的單身男女，對象主要係高收入的專業人士，包括律師及醫生。顧客可透過跟對方午飯加深認識，再決定對方啱唔啱「心水」發展，收費為$4,400-$10,000不等。
(Speed Dating Hong Kong - NewFdGathering.com)